9 мая, Мінск /Кар. БЕЛТА/. Беларусы - мірныя людзі, але Захаду нават не трэба спрабаваць размаўляць з імі з пазіцыі сілы. Аб гэтым Прэзідэнт Беларусі Аляксандр Лукашэнка заявіў на цырымоніі ўскладання вянкоў да манумента Перамогі з выпадку 77-й гадавіны Вялікай Перамогі, перадае карэспандэнт БЕЛТА.
Аляксандр Лукашэнка адзначыў, што за мяжой нікога не хвалюе, што беларуская армія не ваюе, ігнаруецца, што краіна зрабіла і стараецца рабіць для найхутчэйшага спынення баявых дзеянняў ва Украіне.
"Мы - мірныя людзі, але нават не спрабуйце з намі размаўляць з пазіцыі сілы", - папярэдзіў Прэзідэнт. - Вашы мары загнаць славян у новае рабства, якое вы называеце глабалізмам, няздзейсныя".
Кіраўнік дзяржавы звярнуў увагу, што з часоў вайны нічога не змянілася: Беларусь па-ранейшаму стаіць як нязломная Брэсцкая крэпасць на шляху любога ворага.-0-