ДЗЯРЖОРГАНЫДЗЯРЖОРГАНЫ
Флаг Панядзелак, 27 чэрвеня 2022
Мінск Ясна +20°C
Усе навіны
Усе навіны
Прэзідэнт
19 мая 2022, 11:05

Лукашэнка: Захад падштурхнуў Беларусь і Расію да больш інтэнсіўнага развіцця

19 мая, Мінск /Кар. БЕЛТА/. Краіны Захаду, праводзячы санкцыйную палітыку, падштурхнулі Беларусь і Расію да больш інтэнсіўнага развіцця. Аб гэтым Прэзідэнт Беларусі Аляксандр Лукашэнка заявіў на сустрэчы з губернатарам Ніжагародскай вобласці Расіі Глебам Нікіціным, перадае карэспандэнт БЕЛТА.

Кіраўнік дзяржавы звярнуў увагу на вялікі патэнцыял у супрацоўніцтве з Расіяй, у тым ліку з Ніжагародскай вобласцю. Да нарошчвання ўзаемадзеяння, паводле яго слоў, падштурхоўвае і санкцыйны націск з боку Захаду. "Гэтыя санкцыі ўсё ж такі шмат у чым нас падштурхнулі займацца сваімі справамі, не глядзець па баках. Бачыць не толькі тое, што там добра, але і ствараць гэта добра ў сябе, - сказаў беларускі лідар. - Кажуць "санкцыі, санкцыі"... А я ўсё больш задумваюся над тым, што Захад, таго не разумеючы, падштурхнуў нас да больш інтэнсіўнага развіцця - Расію і Беларусь. Калі хто-небудзь да нас гатовы ў гэтым плане далучыцца, то яны атрымаюць сур'ёзны эфект".

Адзінае, гэты эфект будзе не імгненны, а спатрэбіцца некаторы час, каб перабудаць эканомікі дзяржаў, адзначыў Аляксандр Лукашэнка: "Нам проста трэба крыху часу. Таму што разгарнуць такую махіну не так проста, галін шмат. Прамысловасць, сельская гаспадарка, іншыя сферы - велізарныя. Патрэбны час, каб разгарнуцца".

Паводле слоў Прэзідэнта, прамысловасць дзвюх краін мае патэнцыял, каб вырабляць практычна любую прадукцыю, але ў асобных галінах патрабуецца палепшыць якасць, каб яна была на сусветным узроўні. На гэта, безумоўна, спатрэбіцца некаторы час. "Добра, не будзем ездзіць у гэты час на мерседэсах. Пакуль праедземся на сваіх аўтамабілях, якія ў нас былі", - заўважыў наконт гэтага Аляксандр Лукашэнка.

Прадаўжаючы тэму імпартазамяшчэння, Прэзідэнт звярнуў увагу, што нядаўна Расія заявіла аб намеры выпускаць лады, масквічы. "А што дрэннага? Гэта ўжо не тыя масквічы савецкія, зразумела. Але, магчыма, яшчэ і не мерседэсы. Настане час - будуць у нас і свае мерседэсы. На гэта часу шмат не трэба", - сказаў кіраўнік дзяржавы.

"Выйдзем мы з гэтых санкцый і атрымаем ад гэтага салідны эфект. Не ўвялі б заходнікі, амерыканцы, супраць нас санкцыі, то вы нафту і газ абменьвалі б на прадукцыю рэальнага сектара эканомікі Германіі або ЗША. А так мы будзем рабіць гэта ўсё самі. Калісьці мы не адставалі ні ад Амерыкі, ні ад іншых краін, забяспечвалі сябе самі. Таму справімся мы з гэтымі санкцыямі, - падкрэсліў беларускі лідар. - Так, санкцыі - гэта не цукар. Але тым не менш у гэтай сітуацыі нам трэба жыць і развівацца. І мы поўныя рашучасці гэта зрабіць".-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі