14 кастрычніка, Мінск /Кар. БЕЛТА/. Прэзідэнт Беларусі Аляксандр Лукашэнка сёння на пасяджэнні Вышэйшага Еўразійскага эканамічнага савета ў шырокім складзе выказаўся аб неабходнасці змяніць фармат работы Еўразійскага банка развіцця, перадае карэспандэнт БЕЛТА.
Паводле слоў кіраўніка дзяржавы, фінансавая інфраструктура ЕАЭС патрабуе далейшага ўдасканалення, у тым ліку для падтрымкі прамысловай кааперацыі. Для павелічэння колькасці сумесных праектаў з высокім інтэграцыйным складнікам трэба забяспечыць доступ да праектнага фінансавання ў выглядзе доўгатэрміновых крэдытаў з льготнай працэнтнай стаўкай, лічыць Прэзідэнт.
"Для гэтага трэба змяніць фармат работы Еўразійскага банка развіцця. Галоўныя недахопы ў яго цяперашняй мадэлі - высокі парог фінансавання праектаў і адсутнасць ільготнай стаўкі па крэдытах", - адзначыў Аляксандр Лукашэнка.
Таксама для сумесных распрацовак неабходна больш актыўна прыцягваць нацыянальныя інстытуты развіцця, прапанаваў кіраўнік дзяржавы.-0-