13 снежня, Мінск /Кар. БЕЛТА/. Прэзідэнт Беларусі Аляксандр Лукашэнка ў інтэрв'ю турэцкай тэлерадыёкампаніі TRT выказаўся аб непрызнанні Захадам яго легітымнасці, назваўшы такую пазіцыю "справай густу", паведамляе БЕЛТА.
"Я і не прашу нікога (за мяжой. - Заўвага БЕЛТА) прызнаваць маю легітымнасць. Ні ў Беларусі, ні ў Турцыі легітымнасць не мае патрэбы ў прызнанні іншых дзяржаў. Дастаткова таго, што мяне мой народ, які выбраў, лічыць легітымным і, згодна з Канстытуцыяй Беларусі, у Беларусі сёння легітымны Прэзідэнт", - падкрэсліў Аляксандр Лукашэнка.
Усё астатняе, заявіў кіраўнік дзяржавы, "справа густу". "Падабаецца ім (на Захадзе. - Заўвага БЕЛТА) такая пазіцыя, няхай яны яе і прытрымліваюцца", - дадаў ён.-0-
