31 снежня, Мінск /Кар. БЕЛТА/. Прэзідэнт Беларусі Аляксандр Лукашэнка накіраваў спачуванне родным і блізкім народнага мастака Беларусі Васіля Шаранговіча. Аб гэтым БЕЛТА паведамілі ў прэс-службе беларускага лідара.
"Ён выхаваў некалькі пакаленняў таленавітай моладзі, значна ўзбагаціў духоўную спадчыну айчыннай культуры і ўнёс неацэнны ўклад у захаванне і развіццё лепшых традыцый нацыянальнай школы графікі", - гаворыцца ў спачуванні.
Кіраўнік дзяржавы падкрэсліў, што творчасць Васіля Шаранговіча, непарыўна звязаная з выяўленчым мастацтвам, набыла ўсенародную любоў і прызнанне. "Светлая памяць аб ім назаўсёды захаваецца ў нашых сэрцах", - адзначыў беларускі лідар.-0-
