3 чэрвеня, Мінск /Кар. БЕЛТА/. Самы аптымальны варыянт для ЕС - адзінства з Расіяй. Аб гэтым Прэзідэнт Беларусі Аляксандр Лукашэнка заявіў журналістам, перадае карэспандэнт БЕЛТА.
"Самы аптымальны варыянт для Еўропы (я ўжо вопытны палітык) - гэта адзінства з Расіяй і стварэнне вялікага цэнтра сілы. Тэхналагічны Захад, рэсурсная Расія (постсавецкая прастора). Гэта ні Амерыка, ні Кітай, ніхто не параўнаўся б. Ну, бязглуздыя. У гэтым напрамку не ідуць. І не толькі таму, што бязглуздыя, а таму, што амерыканцы не пускаюць. Яны моцныя. Тут і армія іх, тут і ядзерныя боегалоўкі. Усё тут. Таму ў іх рычагоў дастаткова, яны трымаюць Еўропу", - сказаў Прэзідэнт.
Аляксандр Лукашэнка падкрэсліў, што амерыканцы заўсёды хацелі аслабіць Еўропу. "Трамп наогул разбурыць вырашыў - адцягнуў Вялікабрытанію, задобрыў Польшчу. Цяпер гэты працэс не проста паглыбляцца пачаў, а набываць самыя шырокія маштабы. Польшча, Вялікабрытанія ўзялі ў абцугі Еўропу, і гэта бедная Еўропа круціцца, верціцца... - заўважыў Прэзідэнт. - Вы ж моцныя тэхналагічна і іншае, ядзерная дзяржава Францыя, Германія магутная. Ды адарвіцеся вы, дамоўцеся з Расіяй. Расія гатова да гэтага. І стварыце тут мацнейшы цэнтр. Кітай, Еўрапейскі саюз разам з Расіяй, намі і Амерыка. Нідзе не дзенуцца, уціхамірацца, супакояцца. Не, не могуць. І па аб'ектыўных, і па суб'ектыўных прычынах".-0-
