15 кастрычніка, Мінск /Кар. БЕЛТА/. Саюзная дзяржава можа прапанаваць Еўразійскаму эканамічнаму саюзу і Садружнасці Незалежных Дзяржаў лепшыя напрацоўкі. Аб гэтым Прэзідэнт Беларусі Аляксандр Лукашэнка заявіў сёння на пасяджэнні Савета кіраўнікоў дзяржаў СНД, перадае карэспандэнт БЕЛТА.
"У існуючых умовах вопыт саюза Беларусі і Расіі - Саюзнай дзяржавы - зноў можа выступіць лакаматывам інтэграцыйных працэсаў, прапанаваўшы для ЕАЭС і СНД лепшыя напрацоўкі. Я звяртаю вашу ўвагу на тую рознаўзроўневую інтэграцыю, якая складваецца на постсавецкай прасторы", - сказаў Аляксандр Лукашэнка.
На думку кіраўніка дзяржавы, выкарыстанне напрацовак Саюзнай дзяржавы ў іншых інтэграцыйных аб'яднаннях стала б рэальным укладам у гарманізацыю такіх працэсаў з суседнімі рэгіянальнымі аб'яднаннямі ў мэтах эканамічнай кансалідацыі Еўразіі і фарміравання вялікай еўразійскай прасторы.-0-