22 кастрычніка, Мінск /Кар. БЕЛТА/. Рэалізацыя шэрага інвестыцыйных праектаў выклікае занепакоенасць. Аб гэтым Прэзідэнт Беларусі Аляксандр Лукашэнка заявіў сёння на нарадзе з кіраўніцтвам Савета Міністраў, перадае карэспандэнт БЕЛТА.
"Паступаючая мне інфармацыя па рэалізацыі шэрага інвестыцыйных праектаў выклікае занепакоенасць. Мы не можам сарваць устаноўленыя тэрміны, таму што гэта значныя фінансава-эканамічныя страты. А сёння як ніколі на рахунку кожная капейка", - звярнуў увагу Прэзідэнт.
Для ўсебаковага разгляду абазначанага пытання на нараду да кіраўніка дзяржавы былі запрошаны адпаведныя службовыя асобы, якія ў час сваёй работы ва ўрадзе і на іншых пасадах курыравалі многія з інвестпраектаў.
"Разам з тым лічу, што шэраг пытанняў мог бы быць вырашаны і без увагі кіраўніка дзяржавы, прытым што ў нас ёсць больш надзённыя і нават неадкладныя праблемы. Размова перш за ўсё ідзе пра барацьбу з пандэміяй, якая працягваецца", - сказаў Аляксандр Лукашэнка.-0-
