9 мая, Мінск /Кар. БЕЛТА/. Прэзідэнт Беларусі Аляксандр Лукашэнка, адказваючы на пытанні журналістаў, расказаў, што для яго асабіста азначае быць патрыётам, перадае карэспандэнт БЕЛТА.
"Быць патрыётам сваёй краіны - гэта трэба жыць у сваёй краіне, любіць яе і рабіць усё для працвітання гэтай краіны, як банальна гэта ні гучала б", - сказаў кіраўнік дзяржавы.
Што датычыцца выхавання патрыятызму, то Аляксандр Лукашэнка перакананы, што такія святы, як Дзень Перамогі, безумоўна, дапамагаюць выхаваць маладое пакаленне на прынцыпах патрыятызму. "Гэта нас шмат у чым трымае. Ужо вырасла не адно пакаленне, а чатыры, і гэта (памяць аб Вялікай Перамозе. - Заўвага БЕЛТА) сцерці не ўдаецца", - канстатаваў беларускі лідар.
Ён шчыра прызнаўся, што для яго з эмацыянальнага пункту гледжання ўдзел у мерапрыемствах, прысвечаных Вялікай Айчыннай вайне, - цяжкая, напружаная работа. "Але я ганаруся, што яна ёсць, таму што яна самая патрэбная і карысная работа", - растлумачыў Прэзідэнт.-0-