19 лістапада, Мінск /Кар. БЕЛТА/. Прэзідэнт Беларусі, Старшыня Усебеларускага народнага сходу Аляксандр Лукашэнка правёў пасяджэнне Прэзідыума Усебеларускага народнага сходу - вышэйшага канстытуцыйнага прадстаўнічага органа народаўладдзя, перадае карэспандэнт БЕЛТА.
Усебеларускі народны сход - вышэйшы прадстаўнічы орган народаўладдзя Рэспублікі Беларусь, які вызначае стратэгічныя напрамкі развіцця грамадства і дзяржавы, забяспечвае непахіснасць канстытуцыйнага ладу, пераемнасць пакаленняў і грамадзянскую згоду.
У адпаведнасці са змяненнямі і дапаўненнямі, унесенымі ў Канстытуцыю Рэспублікі Беларусь па выніках рэспубліканскага рэферэндуму 27 лютага 2022 года, Усебеларускі народны сход стаў канстытуцыйным органам.
Пасяджэнне Усебеларускага народнага сходу ў якасці канстытуцыйнага органа ўпершыню адбылося 24 красавіка 2024 года.
У ходзе мерапрыемства прыняты першыя чатыры рашэнні - аб выбранні Старшыні УНС, яго намесніка і Прэзідыума УНС, а таксама аб зацвярджэнні Часовага рэгламенту УНС.
Старшынёй VII Усебеларускага народнага сходу выбраны Прэзідэнт Рэспублікі Беларусь Аляксандр Рыгоравіч Лукашэнка.
Намеснікам Старшыні VII УНС быў выбраны Аляксандр Мікалаевіч Косінец.
У склад Прэзідыума выбраны:
Богуш Вадзім Анатольевіч;
Бранцэвіч Аляксандр Васільевіч;
Бурак Канстанцін Віктаравіч;
Ермакова Надзея Андрэеўна;
Каранік Уладзімір Сцяпанавіч;
Лянчэўская Марына Аляксандраўна;
Палякоў Сяргей Львовіч;
Сівец Сяргей Міхайлавіч;
Страхар Руслан Барысавіч;
Тылец Ірына Уладзіміраўна;
Чарнякоў Дзмітрый Уладзіміравіч;
Шпілеўская Вольга Аляксандраўна;
Шулейка Юрый Вітольдавіч.
Прэзідыум Усебеларускага народнага сходу з'яўляецца пастаянна дзеючым калегіяльным органам, які забяспечвае аператыўнае вырашэнне пытанняў, што ўваходзяць у кампетэнцыю УНС.
Гранічная колькасць Прэзідыума Усебеларускага народнага сходу складае 15 чалавек.
Пры Прэзідыуме Усебеларускага народнага сходу па пытаннях, якія ўваходзяць у кампетэнцыю УНС, могуць стварацца на грамадскіх пачатках навукова-кансультатыўныя і іншыя дарадчыя органы.-0-
Падпісвайцеся на нас у
