Рафаэль Надаль. Фота Reuters
20 лістапада, Мінск /Кар. БЕЛТА/. Праслаўлены іспанскі тэнісіст Рафаэль Надаль завяршыў гульнявую кар'еру пасля прайгранага чвэрцьфінальнага матчу зборнай Іспаніі ў Кубку Дэвіса з камандай Нідэрландаў, паведамляе карэспандэнт БЕЛТА.
У іспанскай Малазе ў сваім апошнім паядынку 38-гадовы Надаль уступіў Ботыку ван Зандсхулпу (1:2), прычым гэта толькі другое яго паражэнне ў матчах галоўнага каманднага турніру планеты, першае адбылося ў лютым 2004 года ў матчы з чэхам Іржы Новакам. У складзе зборнай Іспаніі Надаль пяць разоў станавіўся ўладальнікам Кубка Дэвіса.
Рафаэль Надаль пачаў прафесійную кар'еру ў 2001 годзе і з таго часу выйграў 92 турніры пад эгідай АТР. У яго паслужным спісе 22 перамогі на турнірах серыі "Вялікага шлема", 14 з якіх - на парыжскіх кортах "Ралан Гарос". У яго таксама чатыры чэмпіёнскія тытулы на US Open і па два на Уімблдоне і Australian Open. Таксама Рафаэль з'яўляецца двухразовым алімпійскім чэмпіёнам: у яго скарбонцы перамога ў адзіночным разрадзе ў Пекіне-2008 і ў парным разрадзе ў Рыа-дэ-Жанэйра-2016. Надаль 209 тыдняў знаходзіўся на вяршыні сусветнага рэйтынгу, пяць разоў прызнаваўся лепшым тэнісістам планеты.
Пасля свайго заключнага матчу Рафаэль Надаль сказаў: "Тытулы, лічбы - усё гэта ёсць. Аднак мне хацелася б, каб мяне запомнілі як простага чалавека з невялікай вёскі на Мальёрцы, які ішоў за сваёй марай і шмат працаваў, каб стаць тым, кім я з'яўляюся цяпер".-0-
У іспанскай Малазе ў сваім апошнім паядынку 38-гадовы Надаль уступіў Ботыку ван Зандсхулпу (1:2), прычым гэта толькі другое яго паражэнне ў матчах галоўнага каманднага турніру планеты, першае адбылося ў лютым 2004 года ў матчы з чэхам Іржы Новакам. У складзе зборнай Іспаніі Надаль пяць разоў станавіўся ўладальнікам Кубка Дэвіса.
Рафаэль Надаль пачаў прафесійную кар'еру ў 2001 годзе і з таго часу выйграў 92 турніры пад эгідай АТР. У яго паслужным спісе 22 перамогі на турнірах серыі "Вялікага шлема", 14 з якіх - на парыжскіх кортах "Ралан Гарос". У яго таксама чатыры чэмпіёнскія тытулы на US Open і па два на Уімблдоне і Australian Open. Таксама Рафаэль з'яўляецца двухразовым алімпійскім чэмпіёнам: у яго скарбонцы перамога ў адзіночным разрадзе ў Пекіне-2008 і ў парным разрадзе ў Рыа-дэ-Жанэйра-2016. Надаль 209 тыдняў знаходзіўся на вяршыні сусветнага рэйтынгу, пяць разоў прызнаваўся лепшым тэнісістам планеты.
Пасля свайго заключнага матчу Рафаэль Надаль сказаў: "Тытулы, лічбы - усё гэта ёсць. Аднак мне хацелася б, каб мяне запомнілі як простага чалавека з невялікай вёскі на Мальёрцы, які ішоў за сваёй марай і шмат працаваў, каб стаць тым, кім я з'яўляюся цяпер".-0-
Падпісвайцеся на нас у
