ДЗЯРЖОРГАНЫДЗЯРЖОРГАНЫ
Флаг Аўторак, 30 лістапада 2021
Мінск -2°C
Усе навіны
Усе навіны
Прэзідэнт
28 верасня 2021, 17:26

Лукашэнка прапануе надзяліць УНС правам унясення змяненняў у Канстытуцыю

28 верасня, Мінск /Кар. БЕЛТА/. Прэзідэнт Беларусі Аляксандр Лукашэнка прапануе ў новай Канстытуцыі надзяліць Усебеларускі народны сход, якому ў сваю чаргу плануецца надаць канстытуцыйны статус, правам унясення змяненняў у Канстытуцыю, перадае карэспандэнт БЕЛТА.

"Думаю, Усебеларускаму народнаму сходу трэба надаць паўнамоцтвы змянення Канстытуцыі. Заканатворчасць - гэта сур'ёзная рэч. І, можа, нам, сфарміраваўшы Канстытуцыю на рэферэндуме, усё ж такі даць права ўносіць змяненні і дапаўненні Усебеларускаму народнаму сходу", - сказаў Аляксандр Лукашэнка.

Як паведамлялася БЕЛТА са спасылкай на старшыню Канстытуцыйнага суда і Канстытуцыйнай камісіі Пятра Міклашэвіча, пытанні паўнамоцтваў і парадку фарміравання Усебеларускага народнага сходу будуць дапрацоўвацца з улікам існуючых прапаноў і меркаванняў. "Сёння адбылася грунтоўная размова, як неабходна фарміраваць УНС, якімі паўнамоцтвамі неабходна надзяліць гэты орган. Паколькі ён ужо будзе валодаць уладнымі паўнамоцтвамі і знаходзіцца ў сістэме дзяржаўнай улады. Тут таксама неабходна захоўваць баланс у сістэме дзяржаўнай улады, каб не было супярэчнасцей і падмены іншых органаў, - сказаў ён. - У гэтым напрамку выказаны шэраг прапаноў, якія патрабуюць яшчэ сур'ёзнай прапрацоўкі".-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі