19 лютага, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў Мітрапаліта Мінскага і Заслаўскага Паўла, Патрыяршага Экзарха ўсяе Беларусі з днём нараджэння. Аб гэтым БЕЛТА паведамілі ў прэс-службе беларускага лідара.
"Ваша служэнне ў якасці прадстаяцеля Праваслаўнай царквы ў Беларусі накіравана на захаванне багатых духоўных і культурных традыцый хрысціянства, падтрыманне міру і міжканфесійнага дыялогу, - гаворыцца ў віншаванні. - Упэўнены, што і ў далейшым Вашы пастырская мудрасць і сіла веры будуць садзейнічаць кансалідацыі грамадства".
Аляксандр Лукашэнка пажадаў Патрыяршаму Экзарху моцнага здароўя і поспехаў ва ўсіх добрых справах.-0-