1 верасня, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў навучэнцаў, спецыялістаў і ветэранаў Рэспубліканскага дзяржаўнага вучылішча алімпійскага рэзерву з 55-годдзем установы. Аб гэтым БЕЛТА паведамілі ў прэс-службе беларускага лідара.
"За гэтыя гады ў сценах вучылішча вырасла цэлая плеяда выдатных спартсменаў - чэмпіёнаў Еўропы, свету і Алімпійскіх гульняў, сярод якіх Кацярына Карстэн, Віталь Шчэрба, Вікторыя Азаранка, Марына Лобач, Сяргей Мартынаў, Максім Недасекаў і многія іншыя", - адзначыў кіраўнік дзяржавы.
Аляксандр Лукашэнка выказаў удзячнасць трэнерам і выкладчыкам за высокі прафесіяналізм і падрыхтоўку атлетаў, якім пакараюцца п'едэсталы самых прэстыжных міжнародных турніраў і чыёй фізічнай і духоўнай сілай захапляецца ўвесь свет.
"Галоўнае, што вы не толькі выхоўваеце чэмпіёнаў, але і вучыце моладзь любіць Радзіму, даяце сваім выхаванцам пуцёўку ў жыццё", - падкрэсліў Прэзідэнт.
Кіраўнік дзяржавы пажадаў усім моцнага здароўя, дабрабыту і новых вялікіх дасягненняў у імя роднай Беларусі.-0-
