28 мая, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў Прэзідэнта Эфіопіі Сахле-Ворк Зеўдэ з нацыянальным святам - Днём устанаўлення міру і дэмакратыі. Аб гэтым БЕЛТА паведамілі ў прэс-службе беларускага лідара.
"Упэўнены, што традыцыйная дружба, узаемная павага і дасягнуты ўзровень развіцця двухбаковых адносін з'яўляюцца надзейным фундаментам для далейшага паглыблення сувязей паміж нашымі дзяржавамі, асабліва ў гандлі, навуцы і адукацыі. Спадзяюся на павелічэнне ў наступныя гады колькасці беларускай тэхнікі і абсталявання ў гаспадарцы вашай краіны і разлічваю на рэалізацыю праектаў па стварэнні сумесных прадпрыемстваў у галінах сельскагаспадарчага і прамысловага машынабудавання", - гаворыцца ў віншаванні.
Аляксандр Лукашэнка пажадаў Сахле-Ворк Зеўдэ добрага здароўя і поспехаў, а грамадзянам Эфіопіі - міру і працвітання.-0-
