ДЗЯРЖОРГАНЫДЗЯРЖОРГАНЫ
Флаг Пятніца, 30 верасня 2022
Мінск +9°C
Усе навіны
Усе навіны
Прэзідэнт
10 чэрвеня 2022, 13:01

Лукашэнка папярэдзіў: калі нехта спрабуе напхаць кішэні на сітуацыі з санкцыямі, не атрымаецца

Аляксандр Лукашэнка
Аляксандр Лукашэнка

10 чэрвеня, Мінск /Міхаіл Маціеўскі - БЕЛТА/. Нехта ў Беларусі спрабуе напхаць кішэні на сітуацыі з санкцыямі, але дзяржава будзе спыняць гэтыя спробы. Аб гэтым Прэзідэнт Беларусі Аляксандр Лукашэнка заявіў на рэспубліканскім семінары-нарадзе "Актуалізацыя метадаў і форм работы з насельніцтвам на мясцовым узроўні, перадае карэспандэнт БЕЛТА.

"Сучасны этап мае адну асаблівасць. Я ўважліва аналізую працэсы, якія адбываюцца ў нашым грамадстве. Ёсць пэўныя цяжкасці ў сувязі з санкцыямі: парушана лагістыка, яшчэ нешта. І гэтым хочуць скарыстацца і скарысталіся ўжо вельмі многія нашы беларусы. Можа, гэта і добра. Недзе падставіць плячо дзяржаве, недзе заняць нішу, якая вызвалілася. Увогуле, убудавацца ў новую лагістыку: камусьці запчасткі, камусьці лякарства, камусьці яшчэ нешта прапануюць паставіць. Але пры гэтым я хачу, каб усе разумелі (асабліва вы, тут уся эліта нашай дзяржавы, ад нас залежаць прымаемыя рашэнні), што нажыцца, пагрэць рукі і напхаць кішэні пад сітуацыю не атрымаецца", - сказаў Аляксандр Лукашэнка.

Прэзідэнт папярэдзіў, што праваахоўныя органы прадоўжаць прымаць жорсткія меры ў адносінах да такіх людзей. "Хабарніцтва, нявыплата падаткаў і іншыя злачынствы будуць выкараняцца. Калі толькі мы сыдзем з гэтага шляху, мы пойдзем роўна транзітам па шляху брацкай нам Украіны, - падкрэсліў кіраўнік дзяржавы. - Таму давайце будзем працаваць і жыць вось так: саборна, талакой. Выкарыстоўваць наша "веча", каб прымаць рашэнні і чуць, слухаць нашых людзей. Асабліва тых, хто забяспечвае нам харчовую бяспеку, апранаюць нас, вырабляюць усё тое, што мы ўмеем і не ўмеем рабіць".-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі