ДЗЯРЖОРГАНЫДЗЯРЖОРГАНЫ
Флаг Панядзелак, 27 верасня 2021
Мінск Ясна +13°C
Усе навіны
Усе навіны
Прэзідэнт
23 ліпеня 2021, 10:13

Лукашэнка падпісаў указ аб падаткаабкладанні - змяненні закрануць страхавыя выплаты і дзіцячае харчаванне

Фота з архіва
Фота з архіва

23 ліпеня, Мінск /Кар. БЕЛТА/. Прэзідэнт Беларусі Аляксандр Лукашэнка 22 ліпеня падпісаў указ нумар 285 "Аб падаткаабкладанні". Аб гэтым БЕЛТА паведамілі ў прэс-службе кіраўніка дзяржавы.

Дакументам унесены карэкціроўкі ў асобныя палажэнні падатковага заканадаўства з улікам правапрымяняльнай практыкі. У прыватнасці, прызнаны страціўшымі сілу ўказы і асобныя нормы ўказаў, палажэнні якіх знайшлі адлюстраванне ў абноўленым Падатковым кодэксе. Вызвалены ад абкладання падаходным падаткам даходы, атрыманыя ў выглядзе страхавой кампенсацыі або забеспячэння ў сувязі з надыходам страхавых выпадкаў па дагаворах добраахвотнага страхавання жыцця і дадатковых пенсій, заключаных да 1 студзеня 2021 года на тэрмін менш як тры гады.

Таксама зніжана стаўка падатку на дабаўленую вартасць з 20 працэнтаў да 10 працэнтаў адносна асобных харчовых тавараў: пячэння растваральнага, агародніны і іншых гамагенізаваных прадуктаў, садавіны, арэхаў і сокаў для дзіцячага харчавання.

Палажэнні ўказа ад 12 мая 2020 года нумар 160 "Аб арэнднай плаце за зямельныя ўчасткі, якія знаходзяцца ў дзяржаўнай уласнасці" прыведзены ў адпаведнасць з тэрміналогіяй і падыходамі, што выкарыстоўваюцца ў Падатковым кодэксе пры вылічэнні, вызваленні ад выплаты і вызначэнні памеру ставак зямельнага падатку.

Акрамя таго, указам устаноўлены асаблівы парадак (з прымяненнем павышанага каэфіцыента да кадастравага кошту ў памеры 0,015) вылічэння ў 2021-2022 гадах арэнднай платы за зямельныя ўчасткі, прадастаўленыя для размяшчэння гандлёвых цэнтраў, у тым ліку аўтамабільных стаянак, якія абслугоўваюць гэтыя гандлёвыя цэнтры, гандлёвых аб'ектаў, што ўваходзяць у гандлёвую сетку.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі