Мабільная версія
ДЗЯРЖОРГАНЫ
Апошнія навіны
Усе навіны

Лукашэнка падкрэсліў важнасць хутчэйшага завяршэння канфлікту ва Украіне

Прэзідэнт 29.12.2017 | 13:14

29 снежня, Мінск /Уладзімір Мацвееў - БЕЛТА/. Прэзідэнт Беларусі Аляксандр Лукашэнка падкрэсліў важнасць хутчэйшага завяршэння канфлікту ва Украіне. Аб гэтым ён заявіў сёння, адказваючы на пытанне карэспандэнта БЕЛТА.

Гаворачы аб перспектывах развіцця знешняй палітыкі Беларусі ў будучым годзе і шэрагу плануемых замежных візітаў, беларускі лідар адзначыў, што не гэта для яго самае галоўнае. "Шчыра кажучы, гэта з асабістага, я вельмі хачу, каб у братэрскай нам Украіне скончылася вайна, каб там пачалі жыць па-людску. Для мяне гэта самая важная праблема", - падкрэсліў ён.

Прэзідэнт адзначыў, што Украіна і яе народ з'яўляюцца роднымі для Беларусі. "Гэта вельмі працавіты народ, які я добра вывучыў і ведаю яшчэ з маладосці - мне давялося служыць у Заходняй пагранічнай акрузе. Я так званых украінскіх заходнікаў добра пазнаў. Гэта вельмі працавітыя, прыстойныя людзі, з якімі трэба проста ўмець размаўляць", - сказаў кіраўнік дзяржавы.

"Мы не проста суседзі - мы родныя, браты. Мы перажываем за Украіну. Гэта галоўнае, дзе мы павінны прыкласці максімум намаганняў, каб лакалізаваць гэту праблему", - лічыць беларускі лідар.

Ён дадаў, што калі канфлікт будзе разрастацца, то гэта паўплывае на многіх.-0-

Версія для друку
Навіны рубрыкі Прэзідэнт
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Першы этап перапісу насельніцтва Беларусі З 5 па 30 лістапада 2018 года для падрыхтоўкі да правядзення перапісу насельніцтва 2019 года праходзіць праверка адраснай гаспадаркі краіны.