9 жніўня, Мінск /Кар. БЕЛТА/. Ніхто ніякіх рэпрэсій у адносінах да прыхільнікаў альтэрнатыўных кандыдатаў не праводзіў і праводзіць не будзе. Аб гэтым Прэзідэнт Беларусі Аляксандр Лукашэнка заявіў сёння, адказваючы на пытанні пасля галасавання на выбарах, перадае карэспандэнт БЕЛТА.
"Ніхто ніякіх рэпрэсій у парушэнне закону не праводзіў і праводзіць не будзе. Выконвайце закон. І знікнуць усялякія размовы пра рэпрэсіі або яшчэ пра нешта. Закон і толькі закон! Будзеце парушаць, будзем адказваць. І тое мы яшчэ мякка адказвалі. Шчыра вам скажу: мы заўсёды стрымлівалі праваахоўнікаў", - падкрэсліў беларускі лідар.
Аляксандр Лукашэнка адзначыў, што яму асабіста не выгадны які-небудзь націск на апанентаў. "Мне не выгадны ніякі націск цяпер. Таму што гэта ўсё ў час. Які націск? Ніякага націску няма. Вы зразумейце, калі нешта здарыцца з гэтымі штабамі, хто за гэта адкажа, - я адкажу. Таму я баюся, каб хаця б дажыць да заўтрашняй раніцы і ні адзін волас з галавы не ўпаў", - сказаў кіраўнік дзяржавы.
Прэзідэнт заклікаў спачатку ўважліва разабрацца ў кожным канкрэтным выпадку, хто каго затрымліваў, і якія на тое прычыны. Ён падкрэсліў, што адвольныя затрыманні без законных на тое падстаў былі б яму толькі на шкоду. "Гэта мне не патрэбна. Гэта на шкоду. Усё гэта фэйкі або ж надумана", - адзначыў Аляксандр Лукашэнка.-0-
