28 студзеня, Мінск /Кар. БЕЛТА/. Прэзідэнт Беларусі Аляксандр Лукашэнка сёння ў Пасланні беларускаму народу і Нацыянальнаму сходу абазначыў задачы ў галіне кантролю за станам маставых збудаванняў, перадае карэспандэнт БЕЛТА.
"Але неабходна ўлічыць урок з мостам на Нямізе. Тым больш ён не першы. А праверка ж была праведзена ў сакавіку мінулага года. Стан усіх маставых збудаванняў павінен быць на пастаянным кантролі", - сказаў Аляксандр Лукашэнка.
Кіраўнік дзяржавы даручыў удзяліць асаблівую ўвагу рэканструкцыі мастоў. "Мы абследавалі масты і ведаем, дзе маставыя пераходы трэба неадкладна мадэрнізаваць. Трэба гэта зрабіць, чаго б гэта ні каштавала", - падкрэсліў ён.
Як паведамлялася, у Мінску ў студзені абрушылася пешаходная частка моста на Нямізе. Цяпер на месцы інцыдэнту ідуць работы. Рух па мосце плануецца запусціць 10 лютага.-0-
