15 ліпеня, Мінск /Кар. БЕЛТА/. Прэзідэнт Беларусі Аляксандр Лукашэнка накіраваў спачуванне Прэзідэнту Ісламскай Рэспублікі Пакістан Арыфу Алві ў сувязі са смерцю былога Прэзідэнта гэтай краіны Мамнуна Хусейна. Аб гэтым БЕЛТА паведамілі ў прэс-службе беларускага лідара.
"З вялікім смуткам у Беларусі даведаліся пра смерць былога Прэзідэнта Пакістана Мамнуна Хусейна - палітыка, які зрабіў значны ўклад у развіццё Пакістана, а таксама ў пабудову дружалюбных адносін паміж нашымі краінамі", - гаворыцца ў спачуванні.
Ад імя народа Беларусі і сябе асабіста Аляксандр Лукашэнка папрасіў перадаць спачуванні і словы падтрымкі родным і блізкім Мамнуна Хусейна.-0-