11 снежня, Мінск /Кар. БЕЛТА/. Вастрыё атак з-за меж Еўразійскага эканамічнага саюза нацэлена перш за ўсё на Расію. Аб гэтым Прэзідэнт Беларусі Аляксандр Лукашэнка заявіў сёння на пасяджэнні Вышэйшага Еўразійскага эканамічнага савета, перадае карэспандэнт БЕЛТА.
"Мы ўсе адзначаем, што час няпросты. Няпросты ён перш за ўсё для нашых блізкіх сяброў і братоў - Расійскай Федэрацыі. Вы бачыце, што вастрыё атак з-за меж нацэлена на Расію, мы гэта ў Беларусі востра адчуваем", - сказаў Аляксандр Лукашэнка.
Прэзідэнт пажадаў свайму расійскаму калегу Уладзіміру Пуціну цярпення ў гэты няпросты час. "Як гаварыў наш ганаровы старшыня (Нурсултан Назарбаеў. - Заўвага БЕЛТА), Расія - стрыжань нашай інтэграцыі. Таму цярпення вам і яшчэ раз цярпення. Ведайце, што мы заўсёды падтрымлівалі Расію і будзем падтрымліваць, таму што без яе не можа быць інтэграцыі на постсавецкай прасторы", - заявіў кіраўнік дзяржавы.-0-
