7 студзеня, Мінск /Кар. БЕЛТА/. Прэзідэнт Беларусі Аляксандр Лукашэнка сёння ў свята Нараджэння Хрыстовага наведвае ў Мінску храм Узвіжання Крыжа Гасподняга, паведамляе карэспандэнт БЕЛТА.
Кіраўнік дзяржавы па традыцыі запаліць калядную свечу, сустрэнецца з удзельнікамі богаслужэння.
Храм Узвіжання Крыжа Гасподняга пабудаваны ў 2020 годзе на вуліцы Ціміразева. Ён аднакупальны, у традыцыях класічнага храмавага дойлідства ў форме крыжа з невялікім баптыстэрыем (прыбудова да царквы або асобны будынак, прызначаны для правядзення хрышчэння) у цокальным паверсе. Храм уваходзіць у архітэктурны комплекс, які ўключае ў сябе ўваходную браму са званіцай, царкоўнапрыходскі дом, у якім знаходзіцца нядзельная школа і музей подзвігу савецкіх ваеннапалонных - вязняў Шталага-352 у Мінску.
Новы храм мяжуе з мемарыяльным комплексам "Масюкоўшчынскі лагер смерці". Комплекс з'яўляецца месцам для памінання больш як 80 тыс. пахаваных ваеннапалонных і мірных савецкіх грамадзян, закатаваных у нямецкім канцлагеры ў гады Вялікай Айчыннай вайны.-0-
