ДЗЯРЖОРГАНЫДЗЯРЖОРГАНЫ
Флаг Аўторак, 27 ліпеня 2021
Мінск Пераменная воблачнасць +21°C
Усе навіны
Усе навіны
Прэзідэнт
30 красавіка 2021, 13:28

Лукашэнка і Такаеў абмеркавалі двухбаковае супрацоўніцтва, узаемадзеянне ў СНД і ЕАЭС

Аляксандр Лукашэнка і Касым-Жамарт Такаеў. Фота з архіва
Аляксандр Лукашэнка і Касым-Жамарт Такаеў. Фота з архіва

30 красавіка, Мінск /Кар. БЕЛТА/. Тэлефонная размова Прэзідэнта Беларусі Аляксандра Лукашэнкі з Прэзідэнтам Казахстана Касым-Жамартам Такаевым адбылася сёння раніцай. Аб гэтым БЕЛТА паведамілі ў прэс-службе беларускага лідара.

Адной з галоўных тэм размовы стала ўзаемадзеянне ў рамках інтэграцыйных аб'яднанняў - СНД і ЕАЭС.

Беларусь у бягучым годзе старшынствуе ў Садружнасці Незалежных Дзяржаў, у наступным - 2022-м - паўнамоцтвы старшыні пяройдуць Казахстану. У сувязі з гэтым кіраўнікі дзяржаў падрабязна абмеркавалі парадак дня ў рабоце аб'яднання. Аляксандр Лукашэнка і Касым-Жамарт Такаеў дамовіліся аб канкрэтных кроках па падтрымцы супрацоўніцтва ў фармаце СНД.

Прэзідэнты таксама зверылі гадзіннікі напярэдадні майскага пасяджэння Вышэйшага Еўразійскага эканамічнага савета, абмеркавалі актуальныя пытанні ў гэтым напрамку. Кіраўнікі дзяржаў асабліва адзначылі важнасць паслядоўнага выканання ўсіх абавязацельстваў як у рамках ЕАЭС, так і СНД, асабліва якія датычацца зняцця бар'ераў у гандлі, а таксама выканання іншых дасягнутых дамоўленасцей.

У двухбаковых адносінах Беларусі і Казахстана кіраўнікі дзяржаў дамовіліся аб правядзенні чарговага пасяджэння міжурадавай камісіі. Аляксандр Лукашэнка ўжо даў даручэнне ўраду займацца гэтым пытаннем. Як было адзначана, у цяперашні няпросты час ключавая задача - вызначыць найбольш актуальныя і перспектыўныя напрамкі для развіцця супрацоўніцтва.

У цэлым кіраўнікі дзяржаў дамовіліся нягледзячы на любыя існуючыя цяжкасці цесна ўзаемадзейнічаць і падтрымліваць прырост, які намеціўся ў гандлі, каб і далей прыбаўляць у супрацоўніцтве па розных напрамках.

Аляксандр Лукашэнка і Касым-Жамарт Такаеў таксама абмеркавалі тэматыку пандэміі і вакцынацыі. На працягу паўгода ў Казахстане плануецца прышчапіць да 10 млн чалавек, у сувязі з чым для краіны гэта пытанне вельмі актуальнае. Саму ж тэму распаўсюджвання COVID-19 прэзідэнты абмеркавалі на прыкладзе сітуацыі ў Індыі, дзе цяпер складваецца няпростая абстаноўка.

Напярэдадні важных святочных дат - 1 Мая і Дня Перамогі - прэзідэнты Беларусі і Казахстана абмяняліся віншаваннямі.

Акрамя таго, асабліва цёплыя пажаданні Аляксандр Лукашэнка адрасаваў праваслаўным жыхарам Казахстана, павіншаваўшы іх з Вялікаднем, а мусульман - са свяшчэнным месяцам Рамадан. Касым-Жамарт Такаеў у адказ таксама перадаў віншаванні з Вялікаднем усім праваслаўным вернікам нашай краіны.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі