ДЗЯРЖОРГАНЫДЗЯРЖОРГАНЫ
Флаг Субота, 24 ліпеня 2021
Мінск Ясна +19°C
Усе навіны
Усе навіны
Прэзідэнт
24 чэрвеня 2021, 13:03

Лукашэнка: Гродзенская вобласць справядліва лічыцца адным з лепшых рэгіёнаў краіны

Аляксандр Лукашэнка наведвае Свіслацкі раён
Аляксандр Лукашэнка наведвае Свіслацкі раён

24 чэрвеня, Свіслацкі раён /Кар. БЕЛТА/. Гродзенская вобласць справядліва лічыцца адным з лепшых рэгіёнаў краіны. Аб гэтым Прэзідэнт Беларусі Аляксандр Лукашэнка заявіў на нарадзе аб перспектывах развіцця гэтай вобласці, перадае карэспандэнт БЕЛТА.

Да ўдзелу ў нарадзе запрошаны як прадстаўнікі кіраўніцтва ўрада, Адміністрацыі Прэзідэнта, дзяржаўных органаў, так і кіраўнікі мясцовай вертыкалі - Гродзенскага аблвыканкама і шэрага раённых выканаўчых камітэтаў. У цэнтры ўвагі ўдзельнікаў мерапрыемства - стратэгія развіцця Гродзенскай вобласці.

"Яшчэ ў савецкі час Гродзеншчына справядліва лічылася адным з лепшых рэгіёнаў велізарнага Савецкага Саюза. Нашу вобласць заўсёды ставілі ў прыклад, гэта была ўзорная вобласць Савецкага Саюза, сюды прыязджалі вучыцца, асабліва ў галіне сельскай гаспадаркі, - заявіў Прэзідэнт у пачатку нарады. - І ў навейшай гісторыі, у гісторыі суверэннай Беларусі, тэндэнцыя захавалася".

Ён адзначыў, што ў Гродзенскай вобласці за апошнія 5 гадоў рост валавога рэгіянальнага прадукту быў больш хуткім, чым у цэлым па краіне: 105 працэнтаў супраць 103,5 працэнта. Аналагічная сітуацыя і з іншымі важнымі паказчыкамі: прадукцыйнасць працы (113 працэнтаў супраць 108 працэнтаў), экспарт тавараў (амаль 142 працэнты супраць 109 працэнтаў). "І ў гэтым няпростым годзе Гродзеншчына займае адны з першых месцаў як па тэмпах росту эканомікі ў цэлым (105,5 працэнта), так і па вытворчасці прадукцыі прамысловасці (амаль 121 працэнт) і сельскай гаспадаркі (101,6 працэнта). Па будаўніча-мантажных работах, рэнтабельнасці продажаў і чыстага прыбытку, уводзе ў эксплуатацыю жылля - таксама лідзіруючая пазіцыя", - прывёў прыклады кіраўнік дзяржавы.

Некалькі тыдняў таму пачалася паўнацэнная работа Беларускай атамнай электрастанцыі, нагадаў Прэзідэнт. "Гэта самы маштабны ў гісторыі нашай краіны аб'ект. Яго значэнне для забеспячэння энергетычнай бяспекі і ў цэлым для развіцця эканомікі проста каласальнае", - падкрэсліў ён.

Падагульніўшы размову аб поспехах у развіцці рэгіёна, кіраўнік дзяржавы абазначыў важнасць захавання дасягнутых вынікаў.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі