ДЗЯРЖОРГАНЫДЗЯРЖОРГАНЫ
Флаг Чацвер, 29 ліпеня 2021
Мінск Малавоблачна +23°C
Усе навіны
Усе навіны
Прэзідэнт
22 ліпеня 2021, 09:15

Лукашэнка: еўрапейскія палітыкі вядуць да развязвання трэцяй сусветнай вайны

Аляксандр Лукашэнка
Аляксандр Лукашэнка

22 ліпеня, Мінск /Кар. БЕЛТА/. Еўрапейскія палітыкі, ствараючы ачаг напружання вакол Беларусі, вядуць да развязвання трэцяй сусветнай вайны. Аб гэтым кіраўнік дзяржавы Аляксандр Лукашэнка заявіў 19 ліпеня ў інтэрв'ю тэлеканалу Sky News Arabia, перадае карэспандэнт БЕЛТА.

"Ствараючы тут, у цэнтры Еўропы, ачаг жахлівага напружання, разгарнуўшы супраць нас і супраць Расіі, ды і супраць Кітая гібрыдную вайну, еўрапейцы ў самым цэнтры Еўропы ствараюць не проста ачаг напружання. Яны ўсё вядуць да развязвання трэцяй сусветнай вайны", - упэўнены беларускі лідар. Паводле яго слоў, гэта ўжо відавочна не толькі для экспертаў, але і для звычайных грамадзян.

Прэзідэнт звярнуў увагу на тое, што эскалацыя напружанасці адбываецца не па волі народаў Літвы, Польшчы, Украіны, Германіі, іншых краін. "Гэта вар'яцтва палітыкаў. І я разумею, чаму гэта адбываецца. Таму што Еўрапейскі саюз, Заходняя Еўропа перш за ўсё, - гэта каланіяльныя дзяржавы. Адносіны Злучаных Штатаў Амерыкі з еўрапейскімі краінамі - гэта адносіны гаспадара з падпарадкаванымі калоніямі. Вось у чым сутнасць", - перакананы Аляксандр Лукашэнка.

"Многія мерапрыемствы ў краінах Еўрасаюза, нават у магутнейшых краінах Еўрасаюза, ажыццяўляюць Злучаныя Штаты Амерыкі. Гэтыя мерапрыемствы амерыканцаў на тэрыторыі Еўропы наогул непадкантрольныя нават кіраўніцтву гэтых краін", - прадоўжыў Прэзідэнт. У пацвярджэнне сваіх слоў ён нагадаў пра скандал з праслухоўваннем тэлефонных размоў кіраўніцтва еўрапейскіх дзяржаў. "Хто гэта рабіў? Амерыканцы. Чыімі рукамі? Рукамі еўрапейскіх дзяржаў, спецслужбаў Еўропы", - адзначыў беларускі лідар.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі