Сцяг Аўторак, 19 сакавіка 2024
Усе навіны
Усе навіны
Прэзідэнт
24 сакавіка 2023, 20:20

Лукашэнка чакае ў наступным сезоне сапраўднай гульні ад хакейнай каманды "Дынама-Мінск"

24 сакавіка, Мінск /Кар. БЕЛТА/. Прэзідэнт Беларусі Аляксандр Лукашэнка чакае ў наступным сезоне сапраўднай гульні ад хакейнай каманды "Дынама-Мінск". Аб гэтым ён заявіў на сустрэчы з хакеістамі клуба, з якімі хакейная каманда Прэзідэнта Беларусі правяла сумесную трэніроўку, паведамляе БЕЛТА.

Каманды вельмі дынамічна правялі трэніроўку, паказаўшы рэзультатыўны хакей.

Кіраўніку дзяржавы падарылі хакейную джэрсі з аўтографамі каманды. "Гэта значыць у мяне яшчэ ёсць шанц пагуляць з "Дынама-Мінск", - з гумарам адзначыў кіраўнік дзяржавы. Ён цёпла паразмаўляў з членамі хакейнай дружыны мінскіх "зуброў" і галоўным трэнерам клуба Крэйгам Вудкрафтам. Відэаролік аб гэтым апублікаваў Telegram-канал "Пул Першага".

"Паважаны Прэзідэнт, дзякуй вялікі ад усіх, хто тут знаходзіцца. Мы вельмі ўдзячныя за ўсё, што вы робіце для хакея", - сказаў галоўны трэнер.

"Калі б у Амерыцы і Канадзе столькі рабілі для хакея кіраўнікі, колькі ў нас, яны ў космасе былі б. А вы ўсё целяпаецеся там туды-сюды ў гэтым плэй-оф. Чакаем ад вас у наступным годзе сапраўднай гульні!" - сказаў Аляксандр Лукашэнка.

Як паведамлялася БЕЛТА, 11 сакавіка хакейнае мінскае "Дынама" пацярпела паражэнне ў серыі першага раўнда плэй-оф Кубка Гагарына і завяршыла выступленне ў сезоне Кантынентальнай хакейнай лігі.-0-

Падпісвайцеся на нас у
Twitter
Топ-навіны
Свежыя навіны Беларусі