ДЗЯРЖОРГАНЫДЗЯРЖОРГАНЫ
Флаг Аўторак, 28 чэрвеня 2022
Мінск +29°C
Усе навіны
Усе навіны
Прэзідэнт
26 красавіка 2022, 09:19

Лукашэнка: беларускі хакей існуе дзякуючы "Юнацтву" і "Дынама", але хочацца перамог рэгіянальных каманд

26 красавіка, Мінск /Кар. БЕЛТА/. Беларускі хакей існуе дзякуючы сталічным камандам "Юнацтва" і "Дынама". Аб гэтым кіраўнік дзяржавы Аляксандр Лукашэнка заявіў 25 красавіка ў час цырымоніі ўзнагароджання пераможцаў 30-га адкрытага чэмпіянату Беларусі па хакеі ў экстралізе сезона 2021-2022, перадае карэспандэнт БЕЛТА.

"Гэтыя маладыя хлопцы, якія стаяць тут, павінны памятаць адну ісціну. Не ў крыўду скажу, вы (хакеісты "Металурга". - Заўвага БЕЛТА), вядома, малайцы, я за вас рады. Але вы павінны памятаць, што беларускі хакей існуе дзякуючы вялікаму "Юнацтву" і дзякуючы яшчэ адной вялікай беларускай камандзе - "Дынама", - падкрэсліў Аляксандр Лукашэнка.

"Пачакайце, я яшчэ пра Жлобін і Гомель нічога не гаварыў. Усё наперадзе, - заявіў Прэзідэнт, рэагуючы на гучную падтрымку жлабінчанамі сваёй каманды. - Вы малайцы! Вы стварылі сёння такі каларыт на гэтай арэне, што я не помню, каб такое было".

Кіраўнік дзяржавы адзначыў добрую гульню "Металурга", выказаўшы надзею, што каманды з рэгіёнаў будуць часцей станавіцца пераможцамі чэмпіянату. "Я буду шчаслівы, калі ў нас кожны год чэмпіён з рэгіянальных гарадоў, адносна невялікіх, як Жлобін, - сказаў ён. - Але я вас прашу: не забывайце, хто быў ля вытокаў. Гэта было на маіх вачах пасля распаду Савецкага Саюза. Калі адзін з трэнераў прыйшоў да мяне і папрасіў выратаваць "Юнацтва". Мы выратавалі гэту каманду, і яны плацяць нашаму гледачу цудоўнай гульнёй, змагаючыся з маладымі хакеістамі, якія пасля іх ідуць далей, яны будуць гуляць лепш. І ў гэтым развіццё нашага хакея".

Як паведамлялася, вырашальная гульня плэй-оф беларускай экстралігі адбылася 25 красавіка ў "Мінск-Арэне". За галоўны прыз змагаліся хакеісты сталічнага "Юнацтва" і жлобінскага "Металурга". Матч завяршыўся перамогай гасцей сталіцы з лікам 0:3. Такім чынам "стальныя ваўкі", абыграўшы саперніка чацвёрты раз, сталі пераможцамі фінальнай серыі і, адпаведна, чэмпіёнамі экстралігі.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі