28 студзеня, Мінск /Кар. БЕЛТА/. Беларусь патрэбна Расіі настолькі, наколькі Расія патрэбна нам. Аб гэтым Прэзідэнт Беларусі Аляксандр Лукашэнка заявіў сёння ў Пасланні беларускаму народу і Нацыянальнаму сходу, перадае карэспандэнт БЕЛТА.
Кіраўнік дзяржавы адзначыў, што ў адносінах паміж краінамі часам узнікала непаразуменне, але гэта адышло ў мінулае. "Я заўсёды гаварыў: Беларусь патрэбна Расіі настолькі, наколькі Расія патрэбна нам, - падкрэсліў Аляксандр Лукашэнка. - Расія велізарная краіна па тэрыторыі, таму нам заўсёды хопіць работы ў Расіі. Але трэба выбудоўваць чалавечыя, дружалюбныя, братэрскія адносіны. Трэба звязаць народы так, каб іх ніхто ніколі не разарваў".
Прэзідэнт адзначыў, што Захад павінен разумець такую пазіцыю Беларусі. Рэспубліка гатова развіваць адносіны з ім, дадаў Прэзідэнт. "Давайце выбудоўваць нармальныя адносіны", - заклікаў беларускі лідар.-0-
