16 снежня, Мінск /Кар. БЕЛТА/. Прэзідэнт Беларусі Аляксандр Лукашэнка ад імя беларускага народа і сябе асабіста павіншаваў Караля Бахрэйна шэйха Хамада бен Ісу аль-Халіфу і Наследнага Прынца, намесніка Вярхоўнага галоўнакамандуючага Сіламі абароны Каралеўства Бахрэйн Сальмана бен Хамада аль-Халіфу, а таксама народ гэтай краіны з нацыянальным днём. Аб гэтым БЕЛТА паведамілі ў прэс-службе беларускага лідара.
"За 50 гадоў свайго існавання Бахрэйн дзякуючы мудраму выкарыстанню інтэлектуальнага капіталу змог дасягнуць значных вынікаў у розных галінах і замацаваў пазіцыі як дзяржава, заснаваная на прынцыпах сацыяльнай справядлівасці і роўных магчымасцей для грамадзян, - падкрэсліў кіраўнік дзяржавы. - Прыемна адзначыць паспяховы рух Каралеўства ў напрамку пабудовы дыверсіфікаванай і навукаёмістай эканомікі ў кантэксце рэалізацыі Праграмы эканамічнага развіцця - 2030".
Аляксандр Лукашэнка запэўніў, што Беларусь надае важнае значэнне пашырэнню двухбаковых адносін з Бахрэйнам і прыкладае намаганні для іх актывізацыі.-0-
