ДЗЯРЖОРГАНЫДЗЯРЖОРГАНЫ
Флаг Чацвер, 26 мая 2022
Мінск +16°C
Усе навіны
Усе навіны
Прэзідэнт
25 студзеня 2022, 17:36

Лукашэнка аб вучэннях "Саюзная рашучасць - 2022": мы не нагнятаем абстаноўку, але павінны быць гатовымі да ўсяго

Аляксандр Лукашэнка
Аляксандр Лукашэнка

25 студзеня, Мінск /Кар. БЕЛТА/. Праводзячы сумесныя з Расіяй вучэнні "Саюзная рашучасць - 2022", Беларусь не імкнецца нагнятаць абстаноўку, а дэманструе гатоўнасць зрэагаваць пры любых абставінах. Аб гэтым Прэзідэнт Беларусі Аляксандр Лукашэнка заявіў на пасяджэнні-нарадзе з Нацыянальнай акадэміяй навук, перадае карэспандэнт БЕЛТА.

"Не думайце, што мы нагнятаем абстаноўку, але калі здарыцца, мы павінны быць гатовы да ўсяго", - падкрэсліў кіраўнік дзяржавы.

Прэзідэнт адзначыў планавы характар рыхтуемых сумесных вучэнняў і тое, што яны супалі з мерамі, якія прымае Беларусь па ўмацаванні сваіх паўднёвых граніц, куды накіраваны дадатковы кантынгент Узброеных Сіл. "Я вымушаны гэта рабіць, таму што на граніцы з Украінай у нас не лепш, чым з палякамі", - растлумачыў Аляксандр Лукашэнка, дадаўшы, што менавіта на беларуска-ўкраінскай граніцы неаднаразова спыняліся спробы незаконнага правозу зброі і боепрыпасаў. "Добра, што мы затрымалі гэтых нягоднікаў, а калі б не?" - задаў рытарычнае пытанне Прэзідэнт.

"З Украінай, на вялікі жаль, нам няпроста, - канстатаваў беларускі лідар. - І нам трэба паскораным варыянтам ствараць там адпаведную групоўку, каб прыкрыць амаль паўтары тысячы кіламетраў граніцы з Украінай, вялікая працягласць. І гэта наша работа, якую мы запланавалі даўно, супала з вучэннямі, якія мы дамовіліся з Пуціным яшчэ ў мінулым годзе на поўдні правесці".

"Гэта нам трэба, а не Расіі. У выніку гэтых вучэнняў мы будзем бачыць, дзе і якія часці нам трэба сканцэнтраваць", - сказаў кіраўнік дзяржавы.

У якасці станоўчага моманту ён адзначыў, што ваенная інфраструктура ў Беларусі, што засталася яшчэ з савецкіх часоў, не была развалена. Наадварот, яна захавана і запатрабавана сёння. Прыкладам таго могуць быць ваенныя аб'екты пад Лунінцам, дзе нядаўна пабываў кіраўнік дзяржавы.

"І потым, каму якая справа, з кім, калі, дзе? - задаў слушнае пытанне Прэзідэнт наконт гвалту наконт сумесных вучэнняў Беларусі і Расіі. - Мы што, незаконна праводзім гэтыя вучэнні?"

"Гэта дэманстрацыя нашай сілы. Яны павінны бачыць, што мы не адны і мы будзем абараняцца, калі нам гэта трэба", - дадаў Аляксандр Лукашэнка.

"Яшчэ раз падкрэсліваю: не думайце, што мы нагнятаем абстаноўку, што нам патрэбна гэта вайна. Не патрэбна яна нам. Але калі здарыцца, мы павінны быць гатовы да ўсяго, і нашы ваенныя", - рэзюмаваў беларускі лідар.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі