26 жніўня, Мінск /Кар. БЕЛТА/. Прэзідэнт Беларусі Аляксандр Лукашэнка мае намер у канцы верасня - кастрычніку пабываць з рабочай паездкай у Гомельскай вобласці. Аб гэтым ён расказаў журналістам пасля наведвання холдынга "БелОМА", перадае карэспандэнт БЕЛТА.
За апошнія некалькі тыдняў кіраўнік дзяржавы пабываў практычна ва ўсіх рэгіёнах краіны, дэталёва вывучыў стан спраў на месцах, але наперадзе яшчэ паездка ў Гомельскую вобласць. "Яшчэ да Гомеля не дабраўся, але ў мяне гэта ў верасні - кастрычніку. Канец верасня - кастрычнік", - адзначыў Аляксандр Лукашэнка.
Ён расказаў, што ў верасні ў яго ў асноўным пачынаюцца міжнародныя паездкі. Чакаецца і саміт Шанхайскай арганізацыі супрацоўніцтва ва Узбекістане, ёсць што сам-насам абмеркаваць з Прэзідэнтам Расіі. "Вызвалюся больш у канцы верасня, і ў кастрычніку мы сур'ёзна зоймемся Гомельскай вобласцю", - сказаў Прэзідэнт.-0-
