Мабільная версія
ДЗЯРЖОРГАНЫ

Апошнія навіны
Усе навіны

Румас і Мядзведзеў узгаднілі праграму па паглыбленні інтэграцыі і пералік дарожных карт

Палітыка 06.09.2019 | 17:06
Сяргей Румас
Сяргей Румас

6 верасня, Масква /Эдуард Півавар - БЕЛТА/. Прэм'ер-міністры Беларусі і Расіі сёння ў Маскве ўзгаднілі праект праграмы дзеянняў па паглыбленні інтэграцыі і пералік дарожных карт. Аб гэтым заявіў журналістам кіраўнік беларускага ўрада Сяргей Румас па выніках перагавораў з удзелам дэлегацый дзвюх краін, перадае карэспандэнт БЕЛТА.

"Мы з Дзмітрыем Мядзведзевым падвялі рысу пад першым этапам вялікай работы, паставілі свае візы пад праграмай дзеянняў (па паглыбленні інтэграцыі. - Заўвага БЕЛТА), зацвердзілі пералік дарожных карт, - расказаў Сяргей Румас. - 31 дарожная карта ўвайшла ў гэты пералік, і нас на працягу бліжэйшых двух месяцаў чакае вельмі вялікая работа, каб да пачатку снежня падрыхтаваць для падпісання нашымі прэзідэнтамі пакет з праграмы дзеянняў, дарожных карт і некалькіх міжурадавых пагадненняў".

Кіраўнік беларускага ўрада падзякаваў кіраўнікам эканамічных ведамстваў Беларусі і Расіі Дзмітрыю Крутому і Максіму Арэшкіну за праведзеную работу па ўзгадненні неабходных дакументаў. "Адначасова хачу сказаць, каб яны не расслабляліся, - папярэдзіў Сяргей Румас. - Дарожныя карты - гэта на парадак больш складаны аб'ём работы, улічваючы і тэрміны, і той масіў дакументаў, якія трэба будзе прааналізаваць, каб якасна іх падрыхтаваць".

Сяргей Румас выказаў упэўненасць, што да сустрэчы прэзідэнтаў Беларусі і Расіі ў пачатку снежня ўсе неабходныя дакументы будуць гатовы.-0-

Версія для друку
Навіны рубрыкі Палітыка
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Асеннія кірмашы Сезон асенніх кірмашоў адкрываецца ў Беларусі. Усяго запланавана больш за 150 кірмашоў