13 красавіка, Мінск /Кар. БЕЛТА/. Прэм'ер-міністр Беларусі Сяргей Румас абмеркаваў са старшынёй урада РФ Міхаілам Мішусціным кошт расійскага газу для Беларусі. Тэлефонная размова кіраўнікоў урадаў адбылася сёння, паведамілі БЕЛТА ў прэс-службе беларускага ўрада.
"Бакі абмеркавалі шэраг актуальных пытанняў энергетычнага супрацоўніцтва, у тым ліку кошт расійскага газу для Рэспублікі Беларусь з улікам дынамікі цэн на энергетычныя рэсурсы на сусветным рынку", - паведамілі ў прэс-службе.
Акрамя таго, кіраўнікі ўрадаў закранулі тэму паставак асобных відаў прадуктаў харчавання і вырабаў медыцынскага прызначэння з РФ у адрас беларускіх суб'ектаў гаспадарання.
Сяргей Румас і Міхаіл Мішусцін абмяняліся думкамі аб выніках пасяджэння Еўразійскага міжурадавага савета, якое адбылося 10 красавіка ў фармаце відэаканферэнцыі, а таксама па інтэграцыйных пытаннях у ЕАЭС. Бакі дамовіліся прадоўжыць кансультацыі па неўрэгуляваных пытаннях стратэгічных напрамкаў развіцця еўразійскай эканамічнай інтэграцыі да 2025 года.-0-
