23 кастрычніка, Мінск /Кар. БЕЛТА/. Расія не ўмешвалася ва ўнутраныя працэсы ў Беларусі і разлічвае, што і астатнія краіны не будуць навязваць Мінску свае рашэнні. Аб гэтым 22 кастрычніка заявіў прэзідэнт РФ Уладзімір Пуцін на пасяджэнні дыскусійнага клуба "Валдай", паведамляе ТАСС.
"Расія не ўмешвалася ва ўнутраныя працэсы ў Беларусі. Мы разлічваем, што і ніхто не будзе ўмешвацца і навязваць нейкія рашэнні беларускаму народу", - сказаў Уладзімір Пуцін.
Прэзідэнт Расіі падкрэсліў, што трэба даць магчымасць самім беларусам спакойна разабрацца ва ўсёй сітуацыі. "Прыняць адпаведныя рашэнні. У тым ліку, магчыма, гэтыя рашэнні знаходзяцца на шляху ўнясення паправак у дзеючую Канстытуцыю", - адзначыў ён.-0-