26 лютага, Мінск /Кар. БЕЛТА/. У Мінску праходзіць сустрэча рабочых падгруп Трохбаковай кантактнай групы па ўрэгуляванні сітуацыі на ўсходзе Украіны, паведамілі БЕЛТА ў МЗС Беларусі.
Папярэдняе пасяджэнне ТКГ прайшло 12 лютага. Рабочая група па бяспецы разглядала прапановы бакоў па вызначэнні дадатковых участкаў развядзення сіл і сродкаў. Гуманітарная разам з тэмай абмену людзьмі, якія ўтрымліваюцца, абмеркавала пытанні забеспячэння эфектыўнага пошуку прапаўшых без вестак. Удзельнікі таксама разгледзелі магчымасці адкрыцця новых пунктаў пропуску праз лінію сутыкнення.
У цэнтры ўвагі эканамічнай рабочай групы былі тэмы выплаты пенсій і водазабеспячэння ў АРДВ і АРЛВ (асобных раёнаў Данецкай і Луганскай абласцей). Палітычная рабочая група абмяркоўвала пытанні, звязаныя з асаблівым статусам АРДВ і АРЛВ, а таксама з імплементацыяй формулы Штайнмаера ва ўкраінскае заканадаўства.-0-
