Фота з архіва
1 жніўня, Мінск /Кар. БЕЛТА/. Расія разлічвае, што перагаворы з Украінай будуць прадоўжаны. Аб гэтым заявіў Прэзідэнт Расійскай Федэрацыі Уладзімір Пуцін, адказваючы на пытанні журналістаў у ходзе сустрэчы з Прэзідэнтам Беларусі Аляксандрам Лукашэнкам на востраве Валаам, перадае карэспандэнт БЕЛТА.
Уладзімір Пуцін, адказваючы на пытанне, як ён ацэньвае ход і перспектывы перагавораў з Украінай, адзначыў, што перагаворы заўсёды запатрабаваныя і важныя. "Асабліва калі гэта імкненне да міру. Я ацэньваю (перагаворы. - Заўвага БЕЛТА) у цэлым станоўча. Як жа можна не станоўча ацэньваць тое, што сотні людзей вярнуліся на радзіму. Гэта станоўча", - падкрэсліў ён.
Расійскі лідар нагадаў, што Расія з гуманітарных меркаванняў перадала тысячы цел загінулых украінскіх салдат і атрымала ў адказ некалькі дзясяткаў цел расійскіх ваеннаслужачых. "Хіба гэта не станоўча? Зразумела, гэта станоўча", - дадаў Уладзімір Пуцін.
Паводле слоў Прэзідэнта Расіі, Масква разлічвае, што працэс перагавораў з Украінай будзе прадоўжаны. Разам з тым, падкрэсліў ён, для вырашэння пытання мірным шляхам патрэбна весці грунтоўныя размовы: "І не на публіцы. Гэта рабіць трэба спакойна, у цішыні перагаворнага працэсу. Менавіта для гэтага мы прапанавалі стварыць тры групы".
Гаворачы пра рэакцыю ўкраінскага боку, расійскі лідар назваў яе ў цэлым пазітыўнай. Бакі дамовіліся, што могуць весці такія перагаворы "без усялякага палітычнага трэску, у спакойным рэжыме" і шукаць кампраміс. І хоць рабочыя групы для вядзення перагавораў пакуль не пачалі работу, першая рэакцыя Кіева, як паказалася Маскве, была станоўчай, рэзюмаваў Уладзімір Пуцін.-0-
Уладзімір Пуцін, адказваючы на пытанне, як ён ацэньвае ход і перспектывы перагавораў з Украінай, адзначыў, што перагаворы заўсёды запатрабаваныя і важныя. "Асабліва калі гэта імкненне да міру. Я ацэньваю (перагаворы. - Заўвага БЕЛТА) у цэлым станоўча. Як жа можна не станоўча ацэньваць тое, што сотні людзей вярнуліся на радзіму. Гэта станоўча", - падкрэсліў ён.
Расійскі лідар нагадаў, што Расія з гуманітарных меркаванняў перадала тысячы цел загінулых украінскіх салдат і атрымала ў адказ некалькі дзясяткаў цел расійскіх ваеннаслужачых. "Хіба гэта не станоўча? Зразумела, гэта станоўча", - дадаў Уладзімір Пуцін.
Паводле слоў Прэзідэнта Расіі, Масква разлічвае, што працэс перагавораў з Украінай будзе прадоўжаны. Разам з тым, падкрэсліў ён, для вырашэння пытання мірным шляхам патрэбна весці грунтоўныя размовы: "І не на публіцы. Гэта рабіць трэба спакойна, у цішыні перагаворнага працэсу. Менавіта для гэтага мы прапанавалі стварыць тры групы".
Гаворачы пра рэакцыю ўкраінскага боку, расійскі лідар назваў яе ў цэлым пазітыўнай. Бакі дамовіліся, што могуць весці такія перагаворы "без усялякага палітычнага трэску, у спакойным рэжыме" і шукаць кампраміс. І хоць рабочыя групы для вядзення перагавораў пакуль не пачалі работу, першая рэакцыя Кіева, як паказалася Маскве, была станоўчай, рэзюмаваў Уладзімір Пуцін.-0-
Падпісвайцеся на нас у
