ДЗЯРЖОРГАНЫДЗЯРЖОРГАНЫ
Флаг Серада, 6 ліпеня 2022
Мінск +13°C
Усе навіны
Усе навіны
Палітыка
02 сакавіка 2022, 18:36

Пасол Балгарыі: калі паміж народамі ёсць дружба, то яна застаецца

2 сакавіка, Мінск /Кар. БЕЛТА/. Надзвычайны і Паўнамоцны Пасол Балгарыі ў Рэспубліцы Беларусь Георгі Васілеў на вечары ў Доме дружбы, прысвечаным Дню вызвалення Балгарыі, расказаў аб тым, як важна захоўваць дружбу паміж народамі і гістарычную памяць, перадае карэспандэнт БЕЛТА.

Балгарскі дыпламат падкрэсліў: "Мы сёння сабраліся разам з сябрамі. Мы павінны паказаць, што мы сябры. Час змяняецца. Аднак, калі ёсць дружба паміж народамі, то яна застаецца".

Пасол лічыць важным той факт, што ў Доме дружбы праводзіцца гэта беларуска-балгарскае мерапрыемства, нягледзячы на кавід і такую напружаную сітуацыю ў рэгіёне.

Як падкрэсліла старшыня Беларускага таварыства дружбы і культурнай сувязі з замежнымі краінамі Ніна Іванова, цяперашнія падзеі ў свеце паказваюць, як важна перадаваць з пакалення ў пакаленне гістарычную праўду пра ваенныя падзеі і ўсімі сіламі старацца захоўваць мір на зямлі. Народная дыпламатыя якраз далучае моладзь да традыцый, да гістарычных падзей і спрадвечных духоўных каштоўнасцей.

Протаіерэй Дзімітрый Харошка, клірык прыхода Храма благавернага князя Аляксандра Неўскага ў Мінску сказаў: "Настаў час, калі моладзь пачынае страчваць адчуванне роднай зямлі". Ён нагадаў пра дату 3 сакавіка 1878, калі Балгарыя была вызвалена ад асманскага прыгнёту. Гэты дзень, 3 сакавіка, у Балгарыі з'яўляецца нацыянальным днём.

На мерапрыемстве выступілі выхаванцы тэатра-студыі "Акцёр", якія чыталі вершы, прысвечаныя гераічным падзям у Балгарыі і Беларусі.

На вечары прысутнічалі творчая інтэлігенцыя, студэнты, актывісты Беларускага таварыства дружбы і культурнай сувязі з замежнымі краінамі.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі