28 верасня, Масква /Эдуард Півавар - БЕЛТА/. Пасяджэнне Савета Міністраў Саюзнай дзяржавы можа адбыцца да канца бягучага года, тэрміны правядзення Вышэйшага дзяржсавета Саюзнай дзяржавы абмяркоўваюцца. Аб гэтым, адказваючы на пытанне карэспандэнта БЕЛТА, паведаміў дзяржаўны сакратар Саюзнай дзяржавы Дзмітрый Мезенцаў у кулуарах экспертна-медыйнага форуму "Прамысловае і навукова-тэхналагічнае супрацоўніцтва Расіі і Беларусі. Навука. Космас. Адукацыя".
"Мы ў адпаведнасці з кампетэнцыяй Пастаяннага камітэта фарміруем праект парадку дня і пасяджэння Савета Міністраў, і пасяджэння Вышэйшага дзяржсавета. Мы лічым, што пасяджэнне Савета Міністраў падвядзе вынікі работы над 28 саюзнымі праграмамі да канца бягучага года. Таксама будзем звяртацца да кіраўнікоў дзяржаў з просьбай вызначыць час пасяджэння Вышэйшага дзяржаўнага савета ў тым фармаце, які будзе камфортны і абгрунтаваны на гэты час", - сказаў Дзмітрый Мезенцаў.-0-
