3 лютага, Мінск /Кар. БЕЛТА/. У Міністэрства замежных спраў Беларусі сёння быў выкліканы пасол Украіны Ігар Кізім, паведамілі БЕЛТА ў прэс-службе беларускага знешнепалітычнага ведамства.
Дыпламату быў заяўлены рашучы пратэст у сувязі з мэтанакіраваным запускам беспілотнага лятальнага апарата з Украіны на тэрыторыю Беларусі.
Украінскі беспілотнік 24 студзеня 2022 года незаконна перасек дзяржаўную граніцу Беларусі, быў зафіксаваны ў паветранай прасторы краіны і потым прымушаны да пасадкі спецыялістамі Узброеных Сіл.
"На аснове аналізу даных бартавой апаратуры дакладна ўстаноўлена, што ён быў запушчаны з тэрыторыі Украіны ў мэтах правядзення нелегальнай разведвальнай дзейнасці над ваенным палігонам Брэсцкі. Да ўкраінскага боку даведзена, што гэтымі недружалюбнымі крокамі ён наўмысна правакуе эскалацыю абстаноўкі ў рэгіёне, што не садзейнічае цывілізаванаму двухбаковаму дыялогу. Беларускі бок запатрабаваў недапушчэння такіх дэструктыўных дзеянняў у далейшым", - падкрэслілі ў МЗС.-0-
