ДЗЯРЖОРГАНЫДЗЯРЖОРГАНЫ
Флаг Чацвер, 29 ліпеня 2021
Мінск Пераменная воблачнасць +22°C
Усе навіны
Усе навіны
Палітыка
30 красавіка 2021, 15:10

Малкіна: аб агульнай рэакцыі ЕАЭС на санкцыі Захаду гаварыць пакуль дачасна

Фота з архіва
Фота з архіва

30 красавіка, Масква /Эдуард Півавар - БЕЛТА/. Аб якой-небудзь агульнай рэакцыі Еўразійскага эканамічнага саюза на санкцыі, якія ўводзяцца супраць асобных краін - удзельніц ЕАЭС, гаварыць пакуль дачасна. Аб гэтым сказала памочнік старшыні Калегіі Еўразійскай эканамічнай камісіі Ія Малкіна на брыфінгу па выніках праведзенага 29-30 сакавіка ў Казані пасяджэння Еўразійскага міжурадавага савета, перадае карэспандэнт БЕЛТА.

Адказваючы на пытанне аб тым, якія варыянты мер у адказ на недружалюбныя дзеянні ў адносінах да адной з краін ЕАЭС разглядае ЕЭК, Ія Малкіна адзначыла: "На гэты час непасрэдна варыянты сумеснага рэагавання на пляцоўцы камісіі не разглядаюцца. Раней членам Савета ЕЭК было даложана ў цэлым аб тых мерах, якія гіпатэтычна маглі б прымацца краінамі ў рамках рэагавання на санкцыі, што ўводзяцца ў адносінах да адной або іншай дзяржавы-члена. Але гэта пытанне знаходзіцца пакуль, скажам так, у інфармацыйнай плоскасці, яшчэ дачасна гаварыць аб тым, што дзяржавы гатовы рэагаваць і ў якім фармаце такая рэакцыя магла б адбывацца. Пакуль дакладных, зразумелых дамоўленасцей па гэтым пытанні паміж дзяржавамі-членамі не дасягнута, як яны ў прынцыпе і не абмяркоўваліся вельмі падрабязна. Хутчэй кіраўнікі ўрадаў узялі час для таго, каб асэнсаваць тую інфармацыю, якая была даведзена да іх ведама, і прадумаць, якія варыянты паводзін маглі б быць прымальнымі для кожнай дзяржавы-члена".

Як паведамілі карэспандэнту БЕЛТА ў прэс-службе ЕЭК, у спісе канчатковых дакументаў, падпісаных на Еўразійскім міжурадавым савеце, пад нумарам шэсць значыцца "Даручэнне ў рамках пытання "Аб выніках кансультацый па пытанні мер эканамічнага націску, які аказваецца трэцімі бакамі на дзяржавы - члены Еўразійскага эканамічнага саюза".-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі