26 студзеня, Масква /Эдуард Півавар - БЕЛТА/. Кіраўнік МЗС Расіі Сяргей Лаўроў канстатаваў сур'ёзныя поспехі ў будаўніцтве Саюзнай дзяржавы. Аб гэтым ён сказаў, выступаючы сёння ў Дзярждуме РФ, перадае карэспандэнт БЕЛТА.
"Сур'ёзныя поспехі ў справе інтэграцыйнага будаўніцтва дасягнуты і па лініі Саюзнай дзяржавы Расіі і Беларусі, - сказаў Сяргей Лаўроў. - Гэта работа ідзе літаральна ў штодзённым рэжыме".
Кіраўнік расійскага знешнепалітычнага ведамства канстатаваў: праводзячы шматвектарную палітыку, з пачатку 2000-х гадоў Расія не зацыкліваецца выключна на заходнім напрамку, адкуль, паводле яго слоў, апошнія гады зыходзяць у асноўным пагрозы і выклікі. "Цэнтр сусветнай палітыкі і эканомікі перамясціўся з Еўраатлантыкі ў Еўразію", - адзначыў ён.
Сяргей Лаўроў падкрэсліў, што сёння нарошчваецца інтэграцыя ў рамках Еўразійскага эканамічнага саюза, пашыраюцца яго знешнія сувязі. "Гэта работа каардынуецца з планамі Садружнасці Незалежных Дзяржаў у адпаведных галінах, уключаючы пытанні лібералізацыі гандлю", - адзначыў ён.-0-
