3 снежня, Масква /Эдуард Півавар - БЕЛТА/. Міністры замежных спраў дзяржаў Арганізацыі Дагавора аб калектыўнай бяспецы правядуць сустрэчу 5 снежня ў Браціславе, паведаміў БЕЛТА прэс-сакратар АДКБ Уладзімір Зайнетдзінаў па выніках праведзенага сёння ў Маскве пасяджэння Пастаяннага савета АДКБ.
"Былі абмеркаваны пытанні падрыхтоўкі рабочай сустрэчы міністраў замежных спраў дзяржаў - членаў АДКБ, якая адбудзецца 5 снежня на палях пасяджэння СМЗС АБСЕ ў Браціславе", - адзначыў прэс-сакратар.
У сувязі з пераходам старшынства ў АДКБ у 2019-2020 гадах да Расійскай Федэрацыі старшынёй Пастаяннага савета быў выбраны пастаянны і паўнамоцны прадстаўнік Расіі пры АДКБ, пасол па асобых даручэннях МЗС РФ Андрэй Шведаў.-0-
