ДЗЯРЖОРГАНЫДЗЯРЖОРГАНЫ
Аўторак, 21 студзеня 2020
Мінск Суцэльная воблачнасць +4°C
Усе навіны
Усе навіны
Палітыка
15 ліпеня 2019, 10:00

Францыя мае намер развіваць супрацоўніцтва з Беларуссю ў сферы ўмацавання еўрапейскай стабільнасці - пасол

Дзідзье Канес. Фота з архіва
Дзідзье Канес. Фота з архіва

15 ліпеня, Мінск /Кар. БЕЛТА/. Францыя мае намер развіваць супрацоўніцтва з Беларуссю, асабліва ў сферы ўмацавання еўрапейскай стабільнасці. Аб гэтым заявіў пасол Францыі ў Беларусі Дзідзье Канес 12 ліпеня на ўрачыстым мерапрыемстве з нагоды нацыянальнага свята - Дня ўзяцця Бастыліі, перадае карэспандэнт БЕЛТА.

"Як сведчыць актывізацыя нашага палітычнага дыялогу, Беларусь - гэта партнёр, чыю незалежнасць і суверэнітэт мы падтрымліваем, і з якім мы хочам умацоўваць супрацоўніцтва, асабліва ў пытаннях, якія датычацца еўрапейскай стабільнасці", - заявіў пасол.

Паводле яго слоў, Францыя выказвае надзею, што дадатная дынаміка, якая закранае таксама двухбаковыя эканамічныя адносіны, прадоўжыцца.

Пасол адзначыў дынамічнае развіццё культурных сувязей і супрацоўніцтва ў галіне адукацыі ў мінулым годзе: "Яны цэментуюць нашы адносіны і аб'ядноўваюць нас. Нашы народы блізкія па сваёй агульнай еўрапейскай культуры і шматлікіх старонках гісторыі".

Гаворачы аб гісторыі, Дзідзье Канес згадаў пра лёс дзяцей Францыі ў Беларусі - народжаных у Францыі ў міжваенны перыяд у сем'ях эмігрантаў. У канцы 40-х гадоў іх бацькі прынялі рашэнне вярнуцца на родную зямлю ў Савецкі Саюз. Пасол расказаў, што на гэту тэму рэжысёрам Уладзімірам Бакуном зняты дакументальны фільм "Жанін". Акрамя таго, павінна выйсці кніга аб гісторыі дзяцей Францыі, дзе сабраны ўспаміны рэпатрыянтаў і іх дзяцей. Прадмову да кнігі напіша Нікаля Верт - французскі гісторык, спецыяліст па Савецкім Саюзе.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі