30 кастрычніка, Мінск /Кар. БЕЛТА/. МЗС Расіі адзначае радыкалізацыю пратэсных акцый у Беларусі і заяўляе, што мае інфармацыю аб тым, што дэстабілізацыяй сітуацыі ў краіне кіравалі, у тым ліку з тэрыторыі Украіны, паведамляюць РІА Навіны.
"Сапраўды, маем інфармацыю аб тым, што дэстабілізацыяй сітуацыі ў Беларусі кіравалі, у тым ліку з тэрыторыі Украіны", - заявіў у інтэрв'ю РІА Навіны намеснік кіраўніка МЗС РФ Алег Сырамалотаў.
Паводле яго слоў, цяпер маштабы пратэсных акцый у Беларусі, нягледзячы на падтрымку звонку, паступова скарачаюцца. "Аднак адзначаем іх усё большую радыкалізацыю: людзей на вуліцы выходзіць менш, але сярод іх становіцца больш ваяўнічых малойчыкаў з арматурай і камянямі, настроеных на агрэсіўныя дзеянні супраць праваахоўнікаў", - дадаў ён.
Як сказаў намеснік міністра замежных спраў РФ, у Беларусі рэальна ацэньваюць усе пагрозы, што зыходзяць ад знешніх сіл. "Падтрымліваецца цеснае ўзаемадзеянне кампетэнтных органаў Расіі і Беларусі па праблематыцы забеспячэння бяспекі", - дадаў ён.-0-
