ДЗЯРЖОРГАНЫДЗЯРЖОРГАНЫ
Флаг Пятніца, 9 снежня 2022
Мінск -3°C
Усе навіны
Усе навіны
Палітыка
14 сакавіка 2022, 13:37

Дэпутаты разгледзяць у першым чытанні законапраект аб абыходжанні з адходамі

Фота з архіва
Фота з архіва

14 сакавіка, Мінск /Кар. БЕЛТА/. У адпаведнасці з арт. 95 і 141 Канстытуцыі Рэспублікі Беларусь (у рэдакцыі Рашэння рэспубліканскага рэферэндуму 27 лютага) 15 сакавіка адкрыецца восьмая сесія Палаты прадстаўнікоў. Аб гэтым БЕЛТА паведамілі ў прэс-службе Палаты прадстаўнікоў.

У першым чытанні заканадаўцы маюць намер разгледзець законапраекты "Аб змяненні законаў па пытаннях бухгалтарскага ўліку і справаздачнасці", "Аб змяненні Закона Рэспублікі Беларусь "Аб абыходжанні з адходамі", "Аб змяненні законаў" (па пытаннях крымінальнай адказнасці).

У другім чытанні плануецца разгледзець законапраект "Аб змяненні Закона Рэспублікі Беларусь "Аб племянной справе ў жывёлагадоўлі".

Пералікам пытанняў прадугледжана таксама ратыфікацыя міжнародных дагавораў - "Аб ратыфікацыі пратакола аб унясенні змяненняў у Пагадненне аб міратворчай дзейнасці Арганізацыі Дагавора аб калектыўнай бяспецы ад 6 кастрычніка 2007 года", "Аб ратыфікацыі міжнародных дагавораў", "Аб ратыфікацыі Пратакола аб унясенні змянення ў Пагадненне паміж Урадам Рэспублікі Беларусь і Урадам Расійскай Федэрацыі аб парадку фарміравання цэн (тарыфаў) пры пастаўцы прыроднага газу ў Рэспубліку Беларусь і яго транспарціроўцы па газаправодах, размешчаных на тэрыторыі Рэспублікі Беларусь, ад 25 лістапада 2011 года".

Акрамя таго, па ініцыятыве Беларускага рэспубліканскага саюза моладзі ў рамках акцыі "Мы - грамадзяне Беларусі" старшыня Палаты прадстаўнікоў Уладзімір Андрэйчанка будзе ўручаць пашпарты грамадзян Рэспублікі Беларусь 14-гадовым юнакам і дзяўчатам - пераможцам спаборніцтваў, конкурсаў і алімпіяд, адоранай і таленавітай моладзі ў галіне культуры, навукі і грамадскай дзейнасці.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі