Мабільная версія
ДЗЯРЖОРГАНЫ

Апошнія навіны
Усе навіны

Больш за 2,3 тыс. нацыянальных наглядальнікаў ужо акрэдытавана на парламенцкіх выбарах у Беларусі

Палітыка 17.10.2019 | 09:35
Фота з архіва
Фота з архіва

17 кастрычніка, Мінск /Кар. БЕЛТА/. Цэнтральная, тэрытарыяльныя і акруговыя выбарчыя камісіі на выбарах дэпутатаў Палаты прадстаўнікоў Нацыянальнага сходу сёмага склікання, паводле апошніх даных, акрэдытавалі 2359 нацыянальных наглядальнікаў. Такая інфармацыя размешчана на сайце ЦВК, паведамляе БЕЛТА.

Партыі да гэтага часу накіравалі 91 наглядальніка. Больш за ўсё КПБ - 75 чалавек. Ад грамадскіх аб'яднанняў акрэдытаваліся ўжо 2145 наглядальнікаў. Тут у лідарах прафесійныя саюзы (494), рэспубліканскае грамадскае аб'яднанне "Белая Русь" (484) і Беларускі рэспубліканскі саюз моладзі (415). Ад грамадзян шляхам падачы заяў накіравана 86 наглядальнікаў, ад працоўных калектываў - 37.

Акрэдытаваныя пры акруговых выбаркамах маюць права прысутнічаць у гэтых камісіях пры прыёме пратаколаў аб выніках галасавання на выбарчых участках. Наглядальнік, накіраваны на пасяджэнні ўчастковай выбарчай камісіі, мае права ў ліку іншага весці назіранне на адпаведным участку для галасавання. У час датэрміновага галасавання і ў дзень выбараў наглядальнікі маюць права атрымліваць інфармацыю аб колькасці выбаршчыкаў, уключаных у спісы, і аб колькасці тых, хто прыняў удзел у галасаванні.

Акрамя таго, акрэдытацыю на парламенцкіх выбарах у Беларусі атрымалі 326 міжнародных наглядальнікаў, у тым ліку 278 чалавек ад СНД, 42 - ад БДІПЧ АБСЕ. Замежныя эксперты маюць права прысутнічаць на пасяджэннях выбарчых камісій, сустракацца з кандыдатамі ў дэпутаты і іх даверанымі асобамі, назіраць за выдачай бюлетэняў, ходам галасавання.

Выбары ў Палату прадстаўнікоў назначаны на 17 лістапада, у Савет Рэспублікі - на 7 лістапада.-0-

Версія для друку
Навіны рубрыкі Палітыка
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Партрэт кандыдата ў дэпутаты Усяго арганізаваны 5831 участак для галасавання, з якіх 46 за межамі краіны. Агульная колькасць выбаршчыкаў - 6 880 605 чалавек, з якіх за мяжой 3 682 чалавекі.