10 мая, Мінск /Кар. БЕЛТА/. Для забеспячэння бяспекі Беларусі неабходна ўмацоўваць саюз з Расіяй і Кітаем, заявіў кандыдат палітычных навук дацэнт кафедры паліталогіі БДЭУ Арцём Свірыдаў у эфіры тэлеканала СТБ, паведамляе БЕЛТА.
"НАТА ніколі не ажыццяўляе агрэсію, ніколі не пачынае ваенных дзеянняў супраць першапачаткова моцнага саперніка. НАТА заўсёды мае справу са слабымі, з тымі, над кім на 100 працэнтаў упэўнена ў перамозе. Дайце ім 3, 4, 5 гадоў, і яны нанясуць сур'ёзны ўдар. Але яны яго нанясуць тады, калі будуць упэўнены ў сваёй перамозе", - лічыць Арцём Свірыдаў.
Ён адзначыў, што "для забеспячэння бяспекі неабходна ўмацоўваць саюз з Расіяй, Кітаем, неабходна ўмацоўваць сферу бяспекі Еўразіі". "Іншага выйсця няма", - падкрэсліў кандыдат палітычных навук.-0-
