10 снежня ў аддзеле ЗАГС Віцебскага гарвыканкама віншавалі маладых бацькоў, дзіця якіх было зарэгістравана пад тысячным нумарам ураджэнца абласнога цэнтра ў бягучым годзе.
Хлопчык нарадзіўся 19 лістапада. Яго бацькі - Цімафей і Лідзія Новікавы, муж працуе ў мясцовым аддзяленні Беларускай чыгункі, жонка - выкладчык Віцебскага дзяржаўнага ўніверсітэта імя П.М. Машэрава. Свайму малышу яны далі імя Андрэй.
Маладых бацькоў з другім дзіцем павіншаваў старшыня Віцебскага гарадскога Савета дэпутатаў Уладзімір Бялевіч.
На здымку: шчаслівыя бацькі Цімафей і Лідзія Новікавы.
