На гарнізонных могілках у Брэсце 21 чэрвеня ўрачыста перапахавалі астанкі двух байцоў, якія загінулі ў гады Вялікай Айчыннай вайны.
Астанкі двух салдат былі знойдзены ў мінулым годзе на тэрыторыі Кобрынскага ўмацавання Брэсцкай крэпасці і паблізу граніцы ў раёне прыгараднай вёскі Казловічы. Аб загінулых воінах амаль нічога не вядома. Адзін быў у форме байца Чырвонай Арміі, у другога захаваліся астаткі абмундзіравання ваеннаслужачага польскай арміі.
На здымку: у час цырымоніі.